U zhvillua dje, në qytetin e Vlorës Konferenca shkencore “Figura dhe roli i Ismail Qemalit në zhvillimet politiko shoqërore në fillim të shek. XX dhe në shpalljen e Pavarësisë së Shqipërisë” e organizuar nga Bashkia e Vlorës në bashkëpunim me Akademinë e Studimeve Albanalogjike, Akademinë e Shkencave të Shqipërisë dhe Muzeu Historik Kombëtar.
Fjala e mirëseardhjes u mbajt nga Kryetari i Bashkisë së Vlorës z. Dritan Leli.
Përshëndetën konferencën edhe Rektori i Universitetit “Ismail Qemali”, Prof. Dr. Roland Zisi dhe nipi i Ismail Qemalit z. Nedin Vlora.
Punimet e konferencës vazhduam me referimin e temave nga Prof. Dr.Paskal Milo, Akad. Prof. Dr. Marenglen Verli, Prof. Dr. Pëllumb Xhufi, Prof. Dr. Kaliopi Naska, Prof. Asoc. Dr. Ledia Dushku, Dr. Dorian Koçi, drejtor i Muzeut Historik Kombëtar, i cili referoi rreth temës “Rrëfimi i periudhave historike të Ismail Qemalit përmes objekteve të tij në Muzeun Historik Kombëtar” dhe Prof. Dr. Hysen Matoshi.
Referuesit sollën në vëmendje rolin e madh të Ismail Qemalit në shpalljen e Pavarësisë sonë kombëtare dhe aktivitetin e Qeverisë së Vlorës për konsolidimin e shtetit të ri shqiptar.
