Në kuadër të zhvillimit të projektit “Të fuqizojmë muzetë nëpërmjet teknologjisë, për një qasje më të gjerë për të gjithë”, drejtori i Muzeut Kombëtar z.Dorian Koçi priti sot në një takim grupin e punës me përfaqësues të AADF dhe ekspertëve amerikan të Cultural Héritage Imagining. Në takim u diskutua për mënyrën sesi do implementohet ky projekt në Muzeun Historik Kombëtar.
Projekti “Të fuqizojmë muzetë nëpërmjet teknologjisë, për një qasje më të gjerë për të gjithë”, i cili financohet nga AADF, do të aplikohet në tre muze kombëtarë që në fondet e tyre kanë objekte të trashëgimisë kulturore/ ikona Muzeu Historik Kombëtar, Muzeu Kombëtar i Artit Mesjetar Korçë dhe Muzeu Kombëtar Ikonografik, Berat.
