Duke qënë se, Muzeu Historik Kombëtar e ka pjesë të prioriteteve të tij angazhimin dhe respektin ndaj çdo grupi shoqëror, i ka përfshirë përfitueset e Qendrës Kombetare Pritëse të Viktimave të Trafikimit në muze duke i transmetuar atyre ndjesinë e përfshirjes në komunitet. Në këtë kuadër përfitueset e Qendrës Kombetare Pritëse të Viktimave të Trafikimit zhvilluan sot, një vizitë në pavijonet e Muzeut Historik Kombëtar. Ato mbetën tepër të kënaqura nga kjo vizitë nga emocioni që morën prej njohjes së historisë të Shqipërisë, nëpërmjet vizitës në pavijonet e muzeut.
