Muzeu Historik Kombëtar u vizitua sot nga studentë të Masterit Shkencor në Arkeologji nga Fakulteti i Historisë dhe Filologjisë, Universiteti i Tiranës për të zhvilluar një orë leksioni në muze. Studentët të shoqëruar edhe nga pedagogu Ols Lafe zhvilluan një orë leksioni të lëndës së arkeologjisë. Ata u njohën me Pavijonin e Lashtësisë në muze, duke marr përgjigje për pyetjet e tyre rreth fakteve historike në periudha të ndryshme të lashtësisë në Shqipëri apo edhe objekteve të ekspozuara në këtë pavijon.
