Z. Alessandro Castriota Scanderbeg u tregua i gatshëm të bashkëpunojë dhe të kontribuojë me çdo objekt dhe dokument, që ka në zotërim, për organizimin e një ekspozite apo konference shkencore me Muzeun Historik Kombëtar.
Për këtë shërbeu dhe një vizitë e tij në Pavijonin e Mesjetës të muzeut, por dhe një takim me drejtorin e institucionit Dr. Dorian Koçi.
Faktet historike mbi figurën e Heroit tonë Kombëtar, Skënderbeu, ishin kryefjala e kësaj vizite. Z. Alessandro Castriota Scanderbeg shprehu entuziazmin e tij për këtë vizitë në muze dhe falenderoi drejtorin e Muzeut Historik Kombëtar për mikpritjen e ngrohtë dhe bisedën konstruktrive që realizuan.
