Në kuadër të zhvillimit të aktiviteteve me rastin e Kongresit të 24 të Mjekësisë Ushtarake Ballkanike, me qëllimin e prezantimit dhe promovimit të vlerave të trashëgimisë sonë historiko-kulturore, Muzeu Historik Kombëtar u vizitua nga një grup ushtarakësh nga vendet e rajonit.
Ata zhvilluan një rrugëtim në historinë e Shqipërisë të prezantuar në pavijonet e Muzeut Historik Kombëtar, duke vlerësuar historinë e popullit shqiptar, që nga lashtësia deri në fund të regjimit komunist. Në fund të vizitës shprehën vlerësimin e tyre dhe falenderuan për mikëpritjen.
