Në kuadër të organizimit të ekskursioneve në qytete të ndryshme të Shqipërisë, organizuar nga diaspora shqiptare në bashkëpunim me Ministrinë e Diasporës në Republikën e Kosovës, Muzeu Historik Kombëtar u vizitua nga një grup kursantësh nga Turqia. Ky është një bashkëpunim ndërinstitucional midis Ministrisë së Kulturës dhe Ministrisë së Arsimit, Sportit dhe Rinisë të Shqipërisë.
Të rinjtë nga diaspora shqiptare në Turqi, me origjinë nga Shqipëria, Kosova dhe Maqedonia e Veriut, zhvilluan një rrugëtim në historinë e Shqipërisë e prezantuar në pavijonet e Muzeut Historik Kombëtar. Ata u njohën me historinë e popullit shqiptar duke u nisur nga pavijoni i antikitetit deri në periudhën e regjimit komunist, shprehën vlerësimin e tyre si dhe falenderuan për mikëpritjen.
