At Bellusci është një studiues, historian dhe folklorist i rrallë arbëresh, që nderohet denjësisht nga komuniteti arbëresh i Frasnitës, nga kryebashkiakët e komunave përreth, por edhe nga autoritetet shqiptare dhe kosovare. Dr Koçi e ftoi At Antonio Belluscin të mbajë një leksion të hapur mbi Skënderbeun dhe epokën e tij, ditën e mërkurë, dt 6 qershor 2018, në kuadër të Vitit Mbarëkombëtar të Skënderbeut.
Muzeu Historik Kombëtar ka kënaqësinë t’ju ftojë të jeni të pranishëm ditën e mërkurë, duke nënvizuar vlerësimin e lartë për veprën e At Antonio Bellusci si historian, folklorist dhe etnograf shumë i rëndësishëm i traditës arbëreshe dhe arvanite.
