Në kuadër të zbatimit të Planit të Veprimit 2018-2020 mes Shqipërisë dhe Kinës, të nënshkruar në Sofie të Bullgarisë, në Korrik 2018, gjatë Samitit 16+1 të vendeve të Europës Juglindore dhe Kinës, Ministrja e Shëndetësisë, Znj. Ogerta Manastirliu priti në një takim zyrtar Ministrin e Komisionit Kombëtar të Shëndetësisë së Republikës Popullore të Kinës, Z. Ma Xiaowei. Pjesë e axhendës gjatë vizitës në Shqipëri ishte edhe Muzeu Historik Kombëtar.
Delegacioni i kryesuar nga SH.T.Z. Ma Xiaowei, zhvilloi një rrugëtim në historinë e Shqipërisë të prezantuar në pavijonet e Muzeut Historik Kombëtar, duke vlerësuar historinë e popullit shqiptar ndër shekuj. Në fund të vizitës Z. Ma Xiaowei shprehu vlerësimin e tij dhe falenderoi për mikëpritjen.
