Një grup të rinjsh nga vende të ndryshmë të Evropës – pjesë e programit “Shaping Europe – Civic Education in Action”, i cili organizohet nga fondacioni gjerman Robert Bosch, vizituan sot Muzeun Historik Kombëtar. Tema e udhëtimit quhet “The forgotten lands of Europe: The Long Way of Transition into Democracy in Albania” dhe në këtë kuadër ky grup po zhvillojnë një vizitë studimore në vendet më të rëndësishme të Shqipërisë. Ata vizituan edhe pavijonet e muzeut duke mësuar më shumë rreth historisë së Shqipërisë. Grupi i të rinjve u njohën me historinë e popullit shqiptar, të përmbledhur në mënyrë shkencore në pavijonet e muzeut, duke marr përgjigje për pyetjet e tyre rreth fakteve historike në periudha të ndryshme apo rreth koleksioneve muzeore të ekspozuara në Muzeun Historik Kombëtar.
