Me rastin e 35-vjetorit të përurimit të godinës së Muzeut Historik Kombëtar, u zhvilluan një sërë aktivitetesh. Po në këtë kuadër, për të gjithë vizitorët që do t’i drejtoheshin Muzeut, hyrja ishte falas. Disa qindra nxënës shkollash, të organizuar dhe me mësuesit e tyre, patën mundësinë të vizitonin të gjitha pavijonet e këtij Muzeu, duke u njohur me detaje dhe objekte të veçanta që janë pjesë e historisë të popullit shqiptar. Ata recituan edhe vjersha me karakter patriotik, përgjithësisht vargje të poetëve të periudhës së rilindjes kombëtare. Po nga kjo ditë festive përfituan edhe shumë vizitorë të tjerë të cilët mbushën pavijonet e MuzeutHistorik Kombëtar.
