Në nderim të violinës soliste, 91 vite nga afishja e recitalit të parë më 1926, me tingujt e Kostandin Papajorgjit më 1925 dhe partin me shënimin “Të drejtat i përkasin autorit” u mbaj koncerti me rastin e 91-vjetorit të recitalit të parë 1926-2017. Drejtori i Muzeut Historik Kombëtar, Dr. Dorian Koçi, në fjalën e tij përshëndetëse tha se: “Më vjen shumë mirë që në 91-vjetorin e parë recital në Shqipëri kemi mundësi për të patur këtu violinisten Ina Kosturi. Muzeu Historik Kombëtar është vendi i kujtesës dhe është një kënaqësi e veçantë që muzeu bën të mundur këtë aktivitet në bashkëpunim me kuartetin e harqeve dhe me violinisten Ina Kosturi për të sjellë për publikun e Tiranës këtë koncert që besoj se nuk do të jetë i vetmi. Në misionin tonë, tashmë, Muzeu Historik Kombëtar është një qendër aktivitetesh kulturore dhe e ka pjesë të funksionit të vet rivlerësimin dhe mbështetjen e Trashëgimisë Kulturore Kombëtare”.
Në këtë koncert interpretuan ata që ndër vite kanë dhënë dhe japin kontribut në skenen shqiptare e jashtë saj si, Lorenc Radovani, Arian Paco, Arben Basha, Gezim Belegu, sopranoja Emiljana Palushaj, si dhe interpretuesi i Ciaccones, transkiptimit të shkëlqyer nga Lorenc Radovani.
