Ishin fëmijë nga kampi veror i Teatrit Metropol, ata që provuan të ishin arkeologë për një ditë në Muzeun Historik Kombëtar. Fëmijët pasi bënë një vizitë në pavijonin e arkeologjisë dhe u prezantuan me objektet më të veçanta dhe origjinale që ndodhen në muze vijuan me “gërmimet” e tyre për të gjetur objektet e fshehura. Pasi i zbuluan disa prej fëmijëve pikturuan objektet që kishin gjetur ndërsa të tjerë shprehën përjetimet e tyre rreth këtij aktiviteti. Aktiviteti u krye nën kujdesin e Sektorit të Programeve Edukative. Ky aktivitet është pjesë e projektit “Arkeologu i vogël” që Muzeu Historik Kombëtar organizon me fëmijë të moshave 7-11 vjeç.
