Muzeu Historik Kombëtar pati kënaqësinë të priste sot në ambientet e tij trupa teatrore nga vende të ndryshme të botës në kuadër të Festivalit Botëror të Kukullave.

Pjesëmarrës nga 12 shtete si, Anglia, Belgjika, Spanja, Bullgaria, Egjipti, Tunizia, Italia, Rusia, Gjermania dhe trupa e Kosovës u njohën me vlerat e trashëgimisë kulturore të vendit tonë dhe me historinë e popullit shqiptar duke u nisur nga lashtësia deri në periudhen e regjimit komunist. Të gjithë pjesëmarrësit treguan interes për historinë e vendit tonë dhe patën një kënaqësi dhe kuriozitet të veçantë për objektet e ekspozuara në pavijonet e Muzeut Historik Kombëtar.