Ministri i Jashtëm italian Enzo Moavero Milanesi dhe ambasadori i Italisë në Tiranë Alberto Cutillo vizituan, sot, Muzeun Historik Kombëtar të shoqëruar nga drejtori i muzeut Dr.Dorian Koçi. Diplomati italian dhe ambasadori Cutillo u njohën me ngjarjet historike të popullit shqiptar, nga koha e antikitetit e qytetërimeve Ilire deri në kohën e rënies së sistemit komunist në Shqipëri, të demostruara nga objektet origjinale dhe ekspozitorët e veçantë që ndodhen në ambientet e Muzeut Historik Kombëtar. Ministri italian Milanesi mbeti mjaft i kënaqur dhe suprizuar nga kjo vizitë, ndjesi të cilën e ndau edhe në librin e përshtypjeve.
