Konferenca dhe ekspozita u organizua nga: Instituti Europian i Romëve për Arte dhe Kulturë (ERIAC) me IRCA, Zyrën e Kryeministrit, Ministrinë e Kulturës në Shqipëri dhe në partneritet me Muzeun Historik Kombëtar.
Programi i konferencës është pjesë i Rrjetit të Institucioneve Kulturore (ERIAC) të Institutit Evropian të Romëve për Art dhe Kulturë (ERIAC). Iniciativa e Rrjetit të Institucioneve Kulturore ERIAC mbështetet nga Zyra e Jashtme Federale Gjermane.
Në ceremoninë e hapjes së konferencës në ambientet e Muzeut Historik Kombëtar përshëndetën: Anna Mirga-Kruszelnicka, ZëvendësDrejtore e Institutit Evropian të Romëve për Art dhe Kulturë, Senida Mesi, ZëvendësKryeministre e Shqipërisë, Susanne Schütz, Ambasadore e Ambasadës Gjermane në Tiranë, Mirela Kumbaro, Ministre e Kulturës,
Olsi Dekovi, Shefi i zyrës së Këshillit të Evropës, Dorian Koci, Drejtor i Muzeut Historik Kombëtar, Sead Kazanxhiu, Aleanca për Institutin Evropian për Artin dhe Kulturën Rome, Erion Xhaibra, Komiteti Shtetëror i Pakicave Kombëtare.
Kjo konferencë synoi të sigurojë shikueshmëri për artistët romë në vend si dhe të iniciojë dialog për rëndësinë e ruajtjes institucionale të identitetit kulturor romë. Ky event është një mundësi për të njohur kontributin e artistëve romë në skenat artistike dhe kulturore shqiptare dhe fton vendimmarrësit, institucionet dhe aktorët kulturorë për të diskutuar dhe zhvilluar perspektivat e ardhshme për romët të talentuar në vend.
Në përfundim të ceremonisë së hapjes, të pranishmit vizituan ekspozitën me titull “Ditët e Artit dhe Kulturës Rome”; “Kremtimi i Identitetit dhe Kulturës Evropiane të Romëve të Shqipërisë”.
Gjithashtu dje, më datë 26 Nëntor u bë dhe inaugurimi i intalacionit “Foleja” me autor Sead Kazanxhiu, instaluar në fasadën e Muzeut Historik Kombëtar.
