Në kuadër të “Edukimit përmes Artit”, në Muzeun Historik Kombëtar u prezantua për herë të parë përballë 400 nxënësve dhe mësuesve nga 4 shkolla të kryeqytetit, projekti pilot “Eja këndo me ne”.

Ky projekt, i cili u prezantua nga dirigjenti i korit Dritan Lumshi dhe kori i TKOB synon të njohë nxënësit me njohuritë bazë të zërit koral, si një nga elementët kryesorë të gjinisë operistike si dhe me repertorin koral të operistikës shqiptare dhe botërore.