Sot, në Muzeun Historik Kombëtar u çel ekspozita “Grand Tour Italia”. Ky aktivitet erdhi si bashkëpunim i Institutit Italian të Kulturës, Zyrës Kulturore të Ambasadës Italiane në Tiranë në bashkëpunim me Qendrën e Hulumtimit dhe Arkivimit të fotografisë së Friuli Venezia Giulia (CRAF), Muzeun Historik Kombëtar dhe Ministrinë Shqiptare të Kulturës.
Ceremoninë e hapi z.Alberto Cutillo, Ambasador i Italisë në Tiranë.
Në ceremoninë e hapjes përshëndeti Drejtoresha e Institutit Italian të Kulturës, znj.Adriana Frisenna, e cila vlerësoi bashkëpunim e kryer dhe siguroi artdashësit shqiptar se të tjera ekspozita të këtyre përmasave do të vijnë në Shqipëri. Z.Walter Liva, Drejtor i Qendrës CRAF, shpjegoi përmbajtjen e ekspozitës dhe karierën e autorit Fontana.
Artisti Fontana është cilësuar si artist trans-avangard për shkak të përdorimit të ngjyrave dhe linjave të theksuara gjeometrike.
Ekspozita do të jetë e hapur deri në datën 5 nëntor, në sallën e Pullave Postare në katin e dytë të Muzeut Historik Kombëtar.
Jeni të mirëpritur!
